ყველაზე მასშტაბური ხანძარი კალიფორნიის ისტორიაში

კალიფორნიაში ტყის ხანძრებმა ამ დროისთვის 115 ათასი ჰექტარი ფართობი მოიცვა. ეს ყველაზე მსხვილი ხანძარია შტატის თანამედროვე ისტორიაში. ბოლო ერთი კვირის განმავლობაში ცეცხლმა ლეიკის და მენდოსინოს ოლქების მნიშვნელოვანი ნაწილი მოიცვა. ხანძარმა 70 საცხოვრებელი სახლი უკვე გაანადგურა და კიდევ 11 ათას შენობას ემუქრება. მეხანძრეებმა ხანძრის მხოლოდ 30 პროცენტით ლოკალიზება შეძლეს. სულ ხანძრის ათი მსხვილი კერაა დაფიქსირებული. შტატის ხელისუფლებამ რამდენიმე ათეული ათასი ადამიანის ევაკუაცია მოახდინა.