პუტინის და ერდოღანის შეხვედრა

რუსეთი და თურქეთი  არ უჭერენ მხარს შეერთებული შტატების პრეზიდენტის მიერ იერუსალიმის ისრაელის დედაქალაქად აღიარებას. ამგვარი განცხადება ვლადიმირ პუტინმა და რეჯეპ ტაიპ ერდოღანმა ანკარაში მოლაპარაკების შემდეგ გააკეთეს. პუტინმა აღნიშნა, რომ ტრამპის ნაბიჯი რეგიონში ვითარების დესტაბილიზაციას უწყობს ხელს.

აფეთქება მანჰეტენზე - ახალი დეტალები

27 წლის ბანგლადეშელი აკაიედ ულია, რომელმაც ნიუ იორკის ცენრტში, მანჰეტენზე ტერაქტის მოწყობა სცადა, ისლამური სახელმწიფოს იდეების გავლენის ქვეშ იმყოფებოდა. ამგვარი განცხადება ხელისუფლებამ გამოძიების დაწყების შემდეგ გააკეთა. ცნობილი გახდა, რომ ახალგაზრდა კაცი ბრუკლინში ელექტრიკოსად მუშაობდა, შეერთებულ შტატებში კი 7 წლის წინ, ოჯახების შეერთების პროგრამით ჩავიდა. მას ტაქსის მძღოლად მუშაობის ლიცენზიაც გააჩნდა.

 

 

ყატარი ბრიტანულ სამხედრო თვითმფრინავებს ყიდულობს

ყატარმა დიდ ბრიტანეთთან Eurofighter -ის ტიპის სამხედრო თვითმფრინავების შეძებაზე შეთანხმებას მიაღწია. მიწოდება 2022 წლიდან დაიწყება. ჯამში ყატარი 24 სამხედრო მანქანას იყიდის, რომელთა ჯამური ღირებულება 6 მილიარდი ფუნტია.

დიდთოვლობა ევროპაში

დიდთოვლობის და ქარბუქის გამო ევროპის არაერთი რეგიონი პარალიზებულია. საფრანგეთის ჩრდილოეთში ამინდმა სატრანსპორტო მოძრაობის შეფერხება გამოიწვია. ქვეყნის 32 დეპარტამენტში საფრთხის ფორთოხლისფერი დონე გამოცხადდა. ქარის სიჩქარე საათში 150 კილომეტრს აღწევს. 120 ათასი სახლი ელექტროენერგიის გარეშე დარჩა.

ოქროს გლობუსის ნომინანტები

ლოს ანჯელესში  ჰოლივუდის უცხოური პრესის ასოციაციის ჯილდოს, ოქროს გლობუსის კინოპრემიის ნიმინანტები დაასახელეს. პრესტიჟული სია შერონ სტოუნმა წაიკითხა.

მსოფლიოში იარაღით ვაჭრობის მოცულობა გაიზარდა

მსოფლიოში იარაღით ვაჭრობის მოცულობა 100 უმსხვილესი სამხედრო სამრეწველო კომპანიიდან მიღებული მონაცემების საფუძველზე, პირველად ბოლო 5 წლის განმავლობაში, გაზრდილია.  სტატისტიკას სტოკჰოლმის მსოფლიოს პრობლემათა ინსტიტუტი ავრცელებს. ეს ორგანიზაცია იარაღის გაყიდვების მონაცემებს 2002 წლიდან აქვეყნებს.

გზის რეაბილიტაცია

ინფრასტრუქტურის მინისტრი სამშენებლო პროექტების მონიტორინგს ამჯერად გურიის რეგიონში განაგრძობს. ზურაბ ალავიძემ სამტრედია-გრიგოლეთის გზის მე-4 ლოტის სამუშაოები დაათვალიერა. ახალი მიმართულების ოთხ ზოლიანი ასფალტ-ბეტონის გზის მშენებლობა ქვეყნის სივრცითი მოწყობის შემადგენელი ნაწილია. ამ ეტაპზე კეთდება წყალგამტარი მილები და მიწისქვეშა გასასვლელები. სამუშაოები 2018 წელს დასრულდება.

ადამიანის უფლებათა დაცვის დღე

ადამიანის უფლებათა დაცვის დღე აღნიშნეს პარლამენტში. პრემიერ მინისტრის თქმით, განსაკუთრებით საყურადღებოა საქართველოს ოკუპირებულ ტერიტორიებზე მცხოვრები ადამიანების უფებების დაცვა და მათი უსაფრთოხების უზრუნველყობა. 

"საქართველო - თანაბარი მონაწილეობის მისაღწევად"

ქალთა პოლიტიკური მონაწილეობის საკანონმდებლო და ფინანსურ ასპექტები, პოლიტიკურ პარტიებში არსებულ მდგომარეობა ასევე შიდა პარტიული დემოკრატიის საკითხები განიხილეს დღეს ადგილობრივი ხელიაუფლების, სამოქალაქო საზოგადოებისა და დიპლომატიური მისიების წარმომადგენლებმა. კონფერენცია სახელწოდებით,,, საქართველო - თანაბარი მონაწილეობის მისაღწევად’’ გენდერული თანასწორობისთვის გაეროს ერთობლივი პროგრამის ფარგლებში ჩატარდა.

უკანონო ცეცხლსასროლი იარაღის ამოღება

ცეცხლსასროლი იარაღის და საბრძოლო მასალის უკანონო შეძენა-შენახვის ბრალდებით, სამართლდამცველებმა წარსულში მრავალჯერ ნასამართლევი პირი ბათუმში დააკავეს. გამოძიების ფარგლებში დაკავებულის საცხოვრებელი ბინის ჩხრეკისას, ორლულიანი თოფი, 2 ვაზნა და 1 ხელყუმბარა ამოიღეს. ექსპერტიზის დასკვნით, ამოღებული ცეცხლსასროლი იარაღი და საბრძოლო მასალა სასროლად ვარგისია.

დიმა ჯაიანს დღეს დაკრძალავენ

სოხუმის დრამატული თეატრის მსახიობსა და ყოფილ სამხატვრო ხელმძღვანელს დიმა ჯაიანს დღეს დაკრძალავენ. არტისტის სამოქალაქო პანაშვიდი ამ წუთებში რუსთაველის თეატრში მიმდინარეობს. დიმა ჯაიანს საბურთალოს პანთეონში დაკრძალავენ.

ჟენევის მოლაპარაკების 42-ე რაუნდი

დღეს ჟენევის მოლაპარაკებების მორიგი რაუნდი იწყება. ორდღიან შეხვედრებში მონაწილეობის მისაღებად შერიგებისა და საგარეო საქმეთა მინისტრების მოადგილეები გაემგზავრნენ. მხარეები ოკუპირებულ ტერიტორიებზე უსაფრთხოების საკითხს და ადამიანის უფლებების თვალსაზრისით არსებულ მდგომარეობას განიხილავენ. 

    შემდეგი გვერდი →