ახალგაზრდა წყალბურთელები ევროპის ჩემპიონატზე ითამაშებენ

საქართველოს 19-წლამდე წყალბურთელთა ნაკრებმა ევროპის ახალგაზრდულ ჩემპიონატზე თამაშის უფლება მოიპოვა. ჩემპიონატის საკვალიფიკაციო ეტაპი ბულგარეთში გაიმართა, სადაც ახალგაზრდული ნაკრების მთავარი მწვრთნელის გალაკტიონ ლაითაძის მიერ მომზადებულმა გუნდმა ა ჯგუფში წარმატებით იასპარეზა. 

დასაქმების ფორუმი

სამგორის რაიონში დასაქმების ფორუმი გაიმართა. ჯანდაცვის სამინისტროს მიერ ორგანიზებულ ღონისძიებაზე, ოცამდე კომპანიამ მიიღო მონაწილეობა და სამგორის მოსახლეობას 1500-ზე მეტი ვაკანსია შესთავაზა. ფორუმის მონაწილეებს სიტყვით მიმართა თბილისის საკრებულოს სამგორის რაიონის მაჟორიტარმა დეპუტატმა გიორგი დოხტურიშვილმა, რომელმაც აღნიშნა, რომ დასაქმება მმართველი გუნდის პრიორიტეტია.

ყაჩაღობა თბილისში

შინაგან სამქეთა სამინისტრომ PAY აპარატების ძარცვის ბრალდებით ორი პირი, მათ შორის, ინკასატორი დააკავა. უწყებამ დაადგინა, რომ დაკავებულებმა სწრაფი ჩარიცხვის აპარატების ინკასატორზე ვითომ ყაჩაღური თავდასხმა დაგეგმეს და ზაჰესში განახორციელეს. 

სამთავრობო ცვლილებები - კონსულტაციები „ოცნებაში“

პასუხი მთავარ კითხვაზე – როგორი იქნება მინისტრთა კაბინეტის შემადგენლობა, პასუხი მას შემდეგ გახდება ცნობილი, რაც პრემიერ-მინისტრობის კანდიდატი იმ გუნდს დაასახელებს, რომელთან ერთადაც მუშაობას გეგმავს. მანამდე კი ქართული ოცნების წევრები თავს იკავებენ კონკრეტული სახელებისა და გვარების დასახელებისგან.

მკვლელობა თბილისში - ორი პირი ცხელ კვალზე დააკავეს

გლდანში გუშინ მომხდარი მკვლელობის ფაქტზე 2 პირი დააკავეს. მათ შინაგან საქმეთა სამინისტრო განზრახ მკვლელობასა და დანაშაულის შეუტყობინებლობას ედავება. საგამოძიებო უწყებამ დაადგინა, რომ გუშინ, გლდანის დასახლებაში, 1983 წელს დაბადებულმა, წარსულში ნასამართლევმა პირმა შურისძიების მიზნით, ცივი იარაღით სასიკვდილო ჭრილობა მიაყენა 1986 წელს დაბადებულ მამაკაცს და შემთხვევის ადგილიდან მიიმალა. 

შეხვედრა საპატრიარქოში

საპატრიარქოში მსოფლიო საპატრიარქო დელეგაცია უწმინდესთან შეხვედრას მართავს. დელეგაციის წევრები ილია მეორეს მსოფლიო პატრიარქის პოზიციას გააცნობენ. საკითხი უკრაინაში მიმდინარე საეკლესიო პრობლემებს ეხება. 

„ქართული ოცნების“ განცხადება

ქართული ოცნება, გუშინ ოზურგეთის საკრებულოში მომხდარ ინციდენტს „ნაციონალური მოძრობის“ პროვოკაციული და დესტრუქციული ქმედებების ნაწილად აფასებს. პარტიაში აცხადებენ, რომ ემიჯნებიან ძალადობის ნებისმიერ გამოვლინებას და პროვოკაციების მიუხედავად, დაუშვებლად მიაჩნიათ ფიზიკური დაპირისპირება. 

ხმაური ოზურგეთში

მთელი ღამის განმავლობაში, ოზურგეთის საკრებულოსთან სოფელ ნასაკირალის მაცხოვრებლები „ნაციონალური მოძრაობის“ დეპუტატის, ბესო ქათამაძის ცემას აპროტესტებდნენ. ისინი დამნაშავეების დასჯას ითხოვდნენ.

ენმ-ის დეპუტატის ცემისთვის “ოცნების” დეპუტატს ბრალი წარუდგინეს

ოზურგეთის საკრებულოს ”ნაციონალური მოძრაობის” დეპუტატის ბესო ქათამაძის ცემის ფაქტზე „ქართული ოცნების“ დეპუტატს ტარიელ აროშიძეს ბრალი წარედგინა. გამოძიებით ინფორმაციით, ოზურგეთის საკრებულოს შენობაში დეპუტატ ბესო ქათამაძეს სიტყვიერი და ფიზიკური შეურაცხყოფა მიაყენეს. დეპუტატმა თავის არეში დაზიანებაც მიიღო. 

გერმანიაში ქართველს ქართველის მკვლელობისთვის სამუდამო პატიმრობა მიუსაჯეს

გერმანიაში ქართველს ქართველის მკვლელობისთვის სამუდამო პატიმრობა მიუსაჯეს. ირკვევა, 33 წლის მამაკაცი 46 წლის მეგობარმა ძილის დროს მოკლა. დამნაშავემ გარდაცვლილს მუცლის არეში რამდენიმე ჭრილობა დანით მიაყენა. 

პრეზიდენტმა პრემიერ-მინისტრობის კანდიდატად მამუკა ბახტაძე ოფიციალურად წარადგინა

საქართველოს პრეზიდენტმა გიორგი მარგველაშვილმა პრემიერ-მინისტრობის კანდიდატად მამუკა ბახტაძე ოფიციალურად წარადგინა. შესაბამისი განკარგულება ქვეყნის პირველმა პირმა უკვე გამოსცა. 

ყაჩაღობა გურიაში

ოზურგეთში ებრაელი ბიზნესმენი დააყაჩაღეს.იგორ ასკაროვი აცხადებს, რომ მას და მის მეუღლეს უცნობი პირები თავს დაესხნენ და ფიზიკურად გაუსწორდნენ.ასკაროვს დაზიანება თავის არეში აქვს მიყენებული.

    შემდეგი გვერდი →