ზუგდიდში "ვითიბი ბანკის" ცენტრალურ ფილიალს თავს დაესხნენ

 ზუგდიდში, გამსახურდიას გამზირზე,  ,,ვითიბი ბანკის" ცენტრალური ფილიალის გაქურდვა სცადეს. არსებული ინფორმაციით, უცნობმა პირმა ბანკის ცენტრალური კარი შეამტვრია.ბანკის თანამშრომლების განცხადებით, პირველადი ინფორმაციით, თანხა წაღებული არ არის. ადგილზე კრიმინალისტები მუშაობენ, ამოღებულია კამერების ჩანაწერები. ამ დრომდე დაკავებული არავინაა. საქმეზე გამოძიება სისხლის სამართლის კოდექსის 19/177-ე მუხლით დაიწყო, რაც ქურდობის მცდელობას გულისხმობს.