საქართველოში ოფიციალური ვიზიტით ეუთო-ს გენერალური მდივანი ჩამოვა

13.06.21 14:16
საქართველოში ოფიციალური ვიზიტით ეუთო-ს გენერალური მდივანი ჩამოვა

ეუთო-ს გენერალური მდივანი, ჰელგა შმიდი, 14-16 ივნისს ოფიციალური ვიზიტით საქართველოს ეწვევა. 

საგარეო საქმეთა სამინისტროს ინფორმაციით, ეუთო-ს გენერალური მდივანი ქვეყნის პირველ პირებს შეხვდება. იგეგმება პირისპირ შეხვედრა პრეზიდენტ სალომე ზურაბიშვილთან, პრემიერმინისტრ ირაკლი ღარიბაშვილთან, პარლამენტის თავმჯდომარე კახა კუჭავასთან, საგარეო საქმეთა მინისტრ დავით ზალკალიანთან და შერიგებისა და სამოქალაქო თანასწორობის საკითხებში საქართველოს სახელმწიფო მინისტრ თეა ახვლედიანთან.

უწყების ცნობით, ჰელგა შმიდი ეწვევა საოკუპაციო ხაზთან მდებარე სოფელ ციცაგიანთკარსა და ერგნეთს. იგი მონაწილეობას მიიღებს ინციდენტების პრევენციისა და მათზე რეაგირების მექანიზმის შეხვედრაში. 

მსგავსი სიახლეები