ჟურნალისტებს აქვთ უფლება, დაიცვან თავიანთი წყაროები - ამერიკის საელჩო

12.03.21 13:56
ჟურნალისტებს აქვთ უფლება, დაიცვან თავიანთი წყაროები - ამერიკის საელჩო

ამერიკის შეერთებული შტატების საელჩომ ტვ პირველის ირგვლივ მიმდინარე მოვლენებზე განცხადება გაავრცელა. საელჩო მიიჩნევს, რომ გამოძიება უნდა ჩატარდეს ობიექტურად და სიტყვის თავისუფლების ხარისხი დაცული იყოს.

ყურადღებით ვაკვირდებით ტელეკომპანია ,,პირველის" გარშემო განვითარებულ მოვლენებს, კერძოდ, სამართალდამცავებსა და მედიის წარმომადგენლებს შორის ურთიერთობას. ამ გამოძიების ჩატარებისას პრიორიტეტად უნდა დარჩეს კანონის უზენაესობის დაბალანსებული, მიუკერძოებელი გამოყენება და მედიის თავისუფლების ფუნდამენტური პრინციპი - ჟურნალისტების უფლება, დაიცვან თავიანთი წყაროები. საიდუმლო ჩანაწერები, ისევე როგორც დაშინება, ან დევნა- არის უკანონო და დასაგმობი და გამოძიებული უნდა იქნას კანონის შესაბამისად. ჩვენ მოვუწოდებთ ყველა ჩართულ მხარეს, პროფესიონალურად და თავშეკავებით მიუდგნენ ამ სიტუაციას. სასამართლო სისტემა უნდა მუშაობდეს სამართლიანად და მიუკერძოებლად და არ უნდა იქნას ბოროტად გამოყენებული პოლიტიკური მიზნების მისაღწევად შერჩევითი სამართლებრივი დევნის გზით ნათქვამია ამერიკის საელჩოს განცხადებაში.