პანდემიის გამო, წელსაც არ გვეძლევა ერთად აღნიშვნის შესაძლებლობა - ზურაბიშვილი ნოვრუზ ბაირამზე

21.03.21 10:30
პანდემიის გამო, წელსაც არ გვეძლევა ერთად აღნიშვნის შესაძლებლობა - ზურაბიშვილი ნოვრუზ ბაირამზე

საქართველოს პრეზიდენტმა სალომე ზურაბიშვილმა აზერბაიჯანელ მოქალაქეებს ნოვრუზობის დღესასწაული მიულოცა. 

დღეს აღინიშნება გაზაფხულის დადგომის, ნოვრუზის დღესასწაული, რომელიც ბუნების გამოღვიძებას, ახალი ენერგიით აღვსებას ნიშნავს და არის ახალი საწყისის, უკეთესი მომავლის იმედის სიმბოლო.საქართველოში ნოვრუზობის დღესასწაულის აღნიშვნას მრავალსაუკუნოვანი ისტორია აქვს. ეს არის საქართველოს კულტურისა და ტრადიციების მრავალფეროვნების ნათელი მაგალითი - აღნიშულია პრეზიდენტის განცხადებაში.

ზურაბიშვილმა აღნიშნა, რომ ნოვრუზობის დღესასწაული პანდემიის გამო, მათთან ერთად ვერ აღნიშნა.

პანდემიის გამო, სამწუხაროდ, წელსაც არ გვეძლევა ამ უძველესი დღესასწაულის ერთად აღნიშვნის შესაძლებლობა. მჯერა, რომ ერთიანი ძალისხმევით პანდემია დამარცხდება და მომავალში ნოვრუზობის ლამაზი ზეიმის ტრადიციულად აღნიშვნა ყოველთვის გაალამაზებს საქართველოს გაზაფხულს.ვულოცავ საქართველოს ეთნიკურად აზერბაიჯანელ მოქალაქეებს, ჩვენს ყველა მოქალაქეს, რომელიც ნოვრუზ ბაირამს ზეიმობს. ყველას, ვინც საქართველოსა და მის ფარგლებს გარეთ აღნიშნავს ნოვრუზს, ვულოცავ გაზაფხულის, ახალი დღის დადგომის დღესასწაულს! გისურვებთ მშვიდობას, ჯანმრთელობას და ბედნიერ მომავალს! - ნათქვამია განცხადებაში

მსგავსი სიახლეები