საქართველო - ესპანეთის საფეხბურთო მატჩის გამო, თბილისის მეტრო და ავტობუსები დღეს 01:00 საათამდე იმუშავებს

28.03.21 10:37
საქართველო - ესპანეთის საფეხბურთო მატჩის გამო, თბილისის მეტრო და ავტობუსები დღეს 01:00 საათამდე იმუშავებს

28 მარტს საქართველო-ესპანეთის საფეხბურთო მატჩის გამო, თბილისის მეტრო და ავტობუსები 01:00 საათამდე იმუშავებს. აღნიშნულ ინფორმაციას მთავრობის უწყებათაშორისი საკოორდინაციო საბჭო ავრცელებს.

მათი ინფორმაციით, ის პირები, რომლებსაც მატჩზე დასასწრები ბილეთები აქვთ, 01:00 საათამდე გადაადგილების ნებართვით ისარგებლებენ და არ დაჯარიმდებიან.

როგორც ცნობილია, 28 მარტს დაგეგმილ საქართველო-ესპანეთის ნაკრების საფეხბურთო მატჩზე საკოორდინაციო საბჭოს გადაწყვეტილებით დაიშვება მაყურებელთა 30%, დისტანციისა და ყველა შესაბამისი ეპიდემიოლოგიური უსაფრთხოების სტანდარტის დაცვით. ამასთან, 28 მარტს, საფეხბურთო მატჩის გამო, 01:00 საათამდე დაშვებული იქნება საზოგადოებრივი ტრანსპორტის - მეტროსა და ავტობუსის მუშაობა. უწყებათაშორისი საკოორდინაციო საბჭო გულშემატკივარს მოუწოდებს, გამოიჩინონ მაღალი პასუხისმგებლობა და დაიცვან ყველა შესაბამისი რეგულაცია, მათ შორის, რიგში დგომისას, რასაც შესაბამისი უწყებები გააკონტროლებენ, - ნათქვამია ინფორმაციაში.

მსგავსი სიახლეები