გელა (გეკა) გელაძე აცხადებს, რომ ბოლო 24 საათის განმავლობაში საქართველოში ნარკოდანაშაულის ბრალდებით 43 ადამიანი დააკავეს.

შსს-ის ინფორმაციით, დაკავებული არიან საქართველოსა და უცხო ქვეყნების მოქალაქეები და მათ ბრალად ედება:

• ნარკოტიკების რეალიზაცია;
• რეალიზაციის მომზადება;
• რეალიზაციის მცდელობა;
• განსაკუთრებით დიდი ოდენობით ნარკოტიკული საშუალებების საქართველოში შემოტანა;
• ნარკოტიკების შეძენა-შენახვა.

დანაშაულები 20 წლამდე ან უვადო თავისუფლების აღკვეთას ითვალისწინებს.

გეკა გელაძის განცხადებით, დაკავებულები ნარკოტიკების გასაყიდად იყენებდნენ „სხვადასხვა ინტერნეტ-აპლიკაციას, სოციალურ ქსელებს და ასევე, ე.წ. ხელიდან ხელში გადაცემის მეთოდს“.

საქმეში ფარული ჩანაწერებიც დევს.