გავრცელებული ინფორმაციით, ქარელის მუნიციპალიტეტის სოფელ ბებნისში მერის წარმომადგენლის ძმა მოკლეს.

ინფორმაციას ადგილობრივი გამოცემა "მოზაიკა" წერს, რომ კაცი ცეცხლსასროლი იარაღითაა მოკლული. 

 დაუდასტურებელი ინფორმაციით, მოკლული უცხო ქვეყნიდან სამშობლოში 6 აგვისტოს, დედის ორმოცზე ჩამოფრინდა. 

როგორც tvpirveli.ge-ს შინაგან საქმეთ სამინისტროში უთხრეს, "დანაშაულის ჩამდენმა პირმა ადგილზე გამოცხადებული 2 პოლიციელი დაჭრა".

 მკვლელობის შესახებ ინფორმაცია თავდაპირველად ჟურნალისტმა ელისო კილაძემ გაავრცელა: 

"ქარელის მუნიციპალიტეტის წარმომადგენლის ძმა მოკლეს დედის ორმოცზე, (საფრანგეთიდან ჩამოვიდა), დაკავებისას მკვლელმა პოლიციელს ესროლა და დაჭრა, გაიქცა! მშვიდობაა, მშვიდობა - არც ომი გვინდა!" - წერს კილაძე.