აშშ და უკრაინა მინერალების შეთანხმებას ხელს, სავარაუდოდ, დღეს მოაწერენ - მედია
აშშ-სა და უკრაინას შორის მინერალების შესახებ შეთანხმება თითქმის მზადაა. ორივე მხარე მზადყოფნას აცხადებს, რომ დოკუმენტს დღეს მოაწეროს ხელი, - ამის შესახებ BBC იტყობინება.
გამოცემის ცნობით, უკრაინის პრემიერ-მინისტრმა, დენის შმიჰალმა განაცხადა, რომ საბოლოო დეტალები მუშავდება და შეთანხმება მომდევნო 24 საათის განმავლობაში გაფორმდება.
აშშ-ის ფინანსთა მინისტრმა, სკოტ ბესენტმა განაცხადა, რომ ვაშინგტონი მზადაა შეთანხმებაზე ხელმოსაწერად მას შემდეგ, რაც "ბოლო წუთის ცვლილებები" შევა.
შეთანხმების გაფორმების შემდეგ, დოკუმენტი რატიფიცირებისთვის უკრაინის პარლამენტს გადაეგზავნება.
