რუსეთს პრეზიდენტის ვლადიმირ პუტინის მიერ ცალმხრივად გამოცხადებული სამდღიანი ზავის პირობებში უკრაინის ცაზე უპილოტო საფრენი აპარატები არ გამოჩენილა, თუმცა რუსულმა თვითმფრინავებმა სუმის ოლქს მართვადი ბომბები 2-ჯერ ესროლეს.  ამის შესახებ ინფორმაციას უკრაინული მედია ავრცელებს, თუმცა დაშავებულების ან დაღუპულების შესახებ არაფერს წერს.

შეგახსენებთ, რომ 28 აპრილს, კრემლის განცხადებით, 8 მაისის შუაღამიდან 11 მაისის შუაღამემდე რუსეთი სამხედრო მოქმედებებს აჩერებს.

უკრაინამ თავის მხრივ უარყო პუტინის შეთავაზება 3-დღიანი ზავის შესახებ - ვოლოდიმირ ზელენსკიმ 30-დღიანი ცეცხლის შეწყვეტა მოითხოვა და აღნიშნა, რომ "უკრაინას არ შეუძლია 9 მაისს, მოსკოვში, მსოფლიო ლიდერებს უსაფრთხოების გარანტიები მისცეს".