უკრაინის საგარეო საქმეთა სამინისტროს ინფორმაციით, სტამბოლში სამმხრივი მოლაპარაკებები უკრაინის, შეერთებული შტატებისა და თურქეთის დელეგაციებს შორის იწყება. მას აშშ-ის სახელმწიფო მდივანი მარკო რუბიო, უკრაინის საგარეო საქმეთა მინისტრი ანდრეი სიბიგა, თურქეთის საგარეო საქმეთა მინისტრი ჰაკან ფიდანი და უკრაინის ლიდერის ოფისის ხელმძღვანელი ანდრეი იერმაკი ესწრებიან.

დღეს მოლაპარაკებების ორი სესია გაიმართება: თურქეთის, აშშ-ისა და უკრაინის წარმომადგენლების შეხვედრის შემდეგ მოსკოვსა და კიევს შორის პირდაპირი კონტაქტი უნდა მოხდეს. მეორე შეხვედრა პრეზიდენტის ოფისში, დოლმაბაჰჩეს სასახლეში, შუადღისთვის არის დაგეგმილი.