რუსეთმა უკრაინაზე მასიური უპილოტო და სარაკეტო თავდასხმა განახორციელა. საგანგებო სიტუაციების სახელმწიფო სამსახურის ინფორმაციით, მრავალ რეგიონში დაფიქსირდა მასშტაბური ნგრევა, ბევრი ადამიანი დაიღუპა და დაშავდა. 

დაიღუპნენ კიევის, ნიკოლაევის, ჟიტომირისა და ხმელნიცკის რაიონების მცხოვრებლები.

ჟიტომირის რაიონში მტრის თავდასხმის შედეგად დაიღუპა 3 ბავშვი - 8, 12 და 17 წლის. დაშავდა კიდევ 12 ადამიანი.

ოდესის ოლქის სახელმწიფო საგანგებო სიტუაციების სამსახურის მთავარი სამმართველოს ცნობით, წუხელ დრონების თავდასხმის გამო ხანძარი გაუჩნდა მრავალსართულიან საცხოვრებელ კორპუსებს შორის მდებარე ავტოსადგომს. მათივე ცნობით, დაიწვა 20-მდე ავტომობილი.