რუსეთის თავდასხმებზე მსოფლიოს ურეაქციობა ხელს უწყობს რუს დიქტატორს გააგრძელოს თავისი აგრესიული პოლიტიკა. ამის შესახებ უკრაინის მეთაურის ტელეგრამის არხზე წერს. ამ განცხადებით ზელენსკი უკრაინაზე გუშინ განხორციელებულ მასირებულ იერიშებს გამოეხმაურა.  

დღეს მაშველები მუშაობდნენ უკრაინის 30-ზე მეტ ქალაქში და სოფელში რუსეთის მასიური დარტყმის შემდეგ. სადაც საჭიროა, მუშაობა გრძელდება - ჩვენი სამსახურები ადგილზე არიან, ხალხს დახმარებას უწევენ.

რუსებმა ღამით თითქმის 300 თავდასხმის დრონი გაუშვეს, უმეტესობა "შაჰედები". კიდევ 70 სხვადასხვა ტიპის რაკეტა, მათ შორის ბალისტიკური. სამიზნეები იყო კიევი და რეგიონი, ჟიტომირის, ხმელნიცკის, ტერნოპოლის, ჩერნიგოვის, სუმის, ოდესის, პოლტავას, დნიპროს, ნიკოლაევის, ხარკოვისა და ჩერკასის რეგიონები, - აღნიშნა ზელენსკიმ.

მან აღნიშნა, რომ ეს იყო მიზანმიმართული თავდასხმები ჩვეულებრივ ქალაქებზე.

ჩვეულებრივი საცხოვრებელი კორპუსები განადგურდა და დაზიანდა. კიევში დაზიანდა უნივერსიტეტის ისტორიის კათედრის საერთო საცხოვრებლები. იყო დარტყმები საწარმოებზე. სამწუხაროდ, იყო მსხვერპლი, მათ შორის ბავშვები, - წერს ზელენსკი.

პრეზიდენტმა ხაზგასმით აღნიშნა, რომ რუსეთის ყოველი ასეთი ტერორისტული თავდასხმა საკმარისი მიზეზია რუსეთის წინააღმდეგ ახალი სანქციების დაწესებისთვის.

რუსეთი აჭიანურებს ამ ომს და აგრძელებს მკვლელობას ყოველდღე. მსოფლიო შეიძლება "უიქენზე" წავიდეს, მაგრამ ომი გრძელდება შაბათ-კვირისა და სამუშაო დღეების მიუხედავად. ამის იგნორირება არ შეიძლება. ამერიკის დუმილი, მსოფლიოს სხვათა დუმილი მხოლოდ ამხნევებს პუტინს. რუსეთის ხელმძღვანელობაზე მართლაც ძლიერი ზეწოლის გარეშე, ეს სისასტიკე არ შეჩერდება. სანქციები აუცილებლად იმუშავებს. ახლა მნიშვნელობა აქვს გადაწყვეტილებას - შეერთებული შტატების, ევროპული ქვეყნების, მსოფლიოში ყველა მათგანის, ვისაც მშვიდობა სურს. მსოფლიომ იცის რუსეთის ეკონომიკის ყველა სისუსტე. ომის შეჩერება შესაძლებელია, მაგრამ მხოლოდ რუსეთზე ზეწოლის საჭირო ძალის გამოყენებით. მსოფლიომ პუტინი უნდა აიძულოს, იფიქროს არა რაკეტების გაშვებაზე, არამედ ომის დასრულებაზე, - აღნიშნა ზელენსკიმ.