ამერიკის შეერთებულმა შტატებმა ირანის ბირთვულ ობიექტებზე იერიშის დროს 12 ერთეული GBU-57 ტიპის ბომბა გამოიყენა.

ამის შესახებ ავიაციის ექსპერტმა, სახელმწიფო ავიაციის სამსახურთან არსებული საზოგადოებრივი საბჭოს წევრმა ბოგდან დოლინცემ რადიო NV-ის ეთერში განაცხადა.

„ამერიკის შეერთებულმა შტატებმა გამოიყენა 12 ბომბა GBU-57, რომელთაგან თითოეულის წონა დაახლოებით 15 ტონას შეადგენს და აქვს ექვივალენტი 30 ტონა ტროტილის მასშტაბით. ანუ საუბარია ჯამში 300 ტონაზე მეტ ასაფეთქებელ ნივთიერებაზე“, — აღნიშნა მან.

მისი თქმით, ოპერაციის დროს აშშ-მა გამოიყენა „უხილავი“ ბომბდამშენები B-2 Spirit, რომლებიც პირველად შეასრულებდნენ ამ ტიპის საბრძოლო ამოცანას სწორედ აღნიშნული ტიპის საბრძოლო მასალის გამოყენებით, რითაც დაცულ ობიექტებს მიაყენეს დარტყმები. როგორც მან აღნიშნა, თავდასხმის მთავარი სამიზნე იყო ფორდოს ქარხანა.

„დანარჩენი ორი ობიექტი კი ტომაჰავკის ტიპის ფრთოსანი რაკეტებით დაიბომბა. სხვადასხვა მონაცემებით, გამოყენებული იქნა დაახლოებით 30 ასეთი რაკეტა,“ — განაცხადა დოლინცემ.

ექსპერტი ასევე აღნიშნავს, რომ ამ დროისთვის ღიად რჩება მთავარი კითხვა — რამდენად შედეგიანი იყო სტრატეგიული ბომბდამშენების გამოყენებით განხორციელებული იერიში: მოხდა თუ არა არა მხოლოდ მიწისზედა სტრუქტურების განადგურება, არამედ ბრუნკერის ქვეშ მდებარე ინფრასტრუქტურის დაზიანებაც.

ღამით, 22 ივნისს, ამერიკის შეერთებულმა შტატებმა ირანის ბირთვულ ობიექტებზე — მათ შორის ფორდოზე, ნატანზსა და ისფაჰანზე — იერიში მიიტანა. ფორდოზე, რომელიც ძირითად ობიექტად ითვლება, ჩამოაგდეს ბომბების სრული საბრძოლო მარაგი.