უკრაინის მთავარი დაზვერვის სამმართველოს ცნობით, რუსეთმა გააძლიერა სამხედრო წარმომადგენლობა სომხეთის ტერიტორიაზე და აჩქარებს გიუმრიში არსებული სამხედრო ბაზის დაკომპლექტებას.

ეს ნაბიჯი, როგორც უწყება აცხადებს, მიღებულია სამხრეთ კავკასიაში — განსაკუთრებით კი აზერბაიჯანთან მზარდი დაძაბულობის ფონზე — რუსეთის სამხედრო-პოლიტიკური გავლენის გასაზრდელად.

დაზვერვის ინფორმაციით, გიუმრის ბაზა რუსული შეიარაღებული ძალების მოქმედი სამხედროებით ივსება, რომლებიც დისლოცირებულნი იყვნენ როსტოვის, ვოლგოგრადის და ოკუპირებული ყირიმის რეგიონებში.