რუსეთის ქალაქ სარატოვში, ნავთობგადამამუშავებელ ქარხანში მასშტაბური ხანძარი გაჩნდა, - ინფორმაციას უკრაინული მედია რუსულ „ტელეგრამ“ არხებზე დაყრდნობით ავრცელებს.

ამავე ინფორმაციის თანახმად, სარატოვზე დრონების მასიური თავდასხმა განხორციელდა. 

სარატოვის ოლქის გუბერნატორმა, რომან ბუსარგინმა განაცხადა, რომ „ერთ-ერთი სამრეწველო საწარმო დაზიანდა“, ასევე დრონი საცხოვრებელი კორპუსის ეზოში დაეცა, რასაც მსხვერპლი მოჰყვა.

რუსეთის თავდაცვის სამინისტრომ განაცხადა, რომ  121 უკრაინული უპილოტო საფრენი აპარატი ჩამოაგდეს.