აზერბაიჯანის პრეზიდენტმა ილჰამ ალიევმა უკრაინისთვის ჰუმანიტარული დახმარების მიზნით ენერგეტიკის სამინისტროზე 2 მილიონი დოლარი გამოყო.

განკარგულებას ხელი მან ცოტა ხნის წინ მოაწერა.

თანხა აზერბაიჯანში წარმოებული ელექტრომოწყობილობების შეძენასა და უკრაინაში გაგზავნას მოხმარდება.

ბაქოს მხრიდან  კიევის დახმარება პირველი არ არის. 2025 წლის თებერვალში ალიევმა 1 მილიონი დოლარი გამოყო, 2023 წლის ივლისში – 7,6 მილიონი, ხოლო 2022 წელს უკრაინისთვის 30 მილიონ მანათზე (დაახლოებით 17,6 მილიონი დოლარი) მეტი დახმარება გაიღო, რაც იმ წელს სხვა ნებისმიერ ქვეყანაზე მეტი იყო.

ბოლო განცხადება მოჰყვა ალიევსა და უკრაინის პრეზიდენტ ვოლოდიმირ ზელენსკის 10 აგვისტოს სატელეფონო საუბარს, სადაც მხარეებმა დაგმეს რუსული იერიშები აზერბაიჯანულ კომპანიას SOCAR-სა და სხვა ობიექტებზე უკრაინაში. გამოცემა Caliber.Az-ის ცნობით, ბაქო შესაძლოა განიხილავდეს კიევისთვის იარაღის გაყიდვაზე ემბარგოს გაუქმებას.