ევროკავშირმა რუსეთის ცენტრალური ბანკის საკუთრებაში არსებული გაყინული აქტივებიდან გენერირებული შემოსავლების მესამე ტრანსფერი მიიღო. აღნიშნული ტრანში 1.6 მილიარდ ევროს შეადგენს, საიდანაც 95% - 1.5 მილიარდ ევროზე მეტი - უკრაინის სესხის დაფარვას მოხმარდება. ამის შესახებ ინფორმაციას ევროკომისიის პრესსამსახური ავრცელებს. 

ევროკავშირში გაყინული რუსული აქტივებიდან მიღებული საგანგებო შემოსავლის მესამე ტრანში უკრაინის მხარდასაჭერად გამოიყენება.

გასულ პარასკევს, ევროკავშირმა 1.6 მილიარდი ევრო მიიღო ე.წ. მოულოდნელი მოგების სახით, რომელიც გენერირებულია რუსეთის ცენტრალური ბანკის იმობილიზებული აქტივებიდან წარმოშობილი ნაღდი ფულის ბალანსის პროცენტით, რომლებიც ცენტრალური ფასიანი ქაღალდების დეპოზიტარების მიერ ინახება...

პირველი ორი ტრანშის 90% გამოყენებული იქნა უკრაინის მხარდასაჭერად ევროპული სამშვიდობო მექანიზმის (EPF) მეშვეობით, ხოლო 10% - უკრაინის მექანიზმის მეშვეობით. ამ მესამე ტრანშიდან, თანხის 95% გამოყენებული იქნება უკრაინის მხარდასაჭერად უკრაინის სესხების თანამშრომლობის მექანიზმის (ULCM) მეშვეობით, ხოლო 5% - EPF-ის მეშვეობით. ULCM უზრუნველყოფს არასაანაზღაურებად მხარდაჭერას, რათა დაეხმაროს უკრაინას ევროკავშირისგან მაკროფინანსური დახმარების სესხის, ასევე ამ მექანიზმის ფარგლებში ორმხრივი კრედიტორებისგან მიღებული სესხების დაფარვაში," - აცხადებენ ევროკომისიაში. 

ევროკომისიის განცხადების მიხედვით, პირველი ასეთი ტრანსფერი 2024 წლის ივლისში განხორციელდა, ხოლო მეორე - 2025 წლის აპრილში.