ისტორიული შეხვედრა იწყება - დონალდ ტრამპი და ვლადიმერ პუტინი ალასკაზე ჩაფრინდნენ - ორი ქვეყნის წარმომადგენლის თვითმფრინავები ანკორიჯის აეროდრომზე რამდენიმე წუთის წინ დაეშვნენ.

ირკვევა, რომ დონალდ ტრამპსა და ვლადიმერ პუტინს შორის ერთი-ერთზე შეხვედრის ნაცვლად სამი-სამზე შეხვედრა ჩატარდება, ანუ პირისპირ საუბრის ნაცვლად, მოლაპარაკებებს უფრო დიდი ჯგუფი დაესწრება.

მოლაპარაკების დროს, ორი ქვეყნის ლიდერთან ერთად იქნებიან სახელმწიფო მდივანი მარკო რუბიო და აშშ-ის სპეციალური დესპანი სტივ უიტკოფი, რაც, ვაშინგტონის შეფასებით, უფრო მკაფიო ანგარიშის მომზადებას შეუწყობს ხელს, განსაკუთრებით იმ შემთხვევაში, თუ მოსკოვის ვერსია ამერიკულისგან განსხვავებული აღმოჩნდება. 

გაკეთდება ოფიციალური ჩანაწერებიც.

[ფოტო: Reuters-ი]