თეთრმა სახლმა უკრაინის ოფიციალურ პირებს ჰკითხა, გამოჩნდება თუ არა ვლადიმირ ზელენსკი ოვალურ კაბინეტში დონალდ ტრამპთან შეხვედრაზე კლასიკურ კოსტუმში. პასუხად მიიღეს, რომ კლასიკური ჩაცმულობის მოლოდინი არ უნდა ჰქონდეთ - უკრაინის ლიდერი იმავე შავ პიჯაკში მივა, რომლითაც ნიდერლანდებში ნატოს სამიტზე გამოჩნდა.

„ეს იქნება კოსტუმის სტილში, მაგრამ არა სრული კოსტუმი,“ - განუცხადა Axios-ის ერთ-ერთმა წყარომ. გამოცემა წერს, რომ საკითხი "მნიშვნელოვანია“, რადგან წინა შეხვედრაზე ოვალურ კაბინეტში ზელენსკის ჩაცმულობა პრობლემად იქცა და დიპლომატიურ სკანდალად გადაიქცა.

მედიის ცნობით, ტრამპს მაშინ არ მოეწონა ზელენსკის სამხედრო სტილის სამოსი. როდესაც დასავლეთ ფლიგელში მიესალმა, ირონიულად თქვა: „დღეს პირდაპირ გამოპრანჭულა“. ზოგმა ამერიკელმა ოფიციალურმა პირმა მიიჩნია, რომ სწორედ კოსტუმის საკითხმა იქონია გავლენა იმ შეხვედრის წარუმატებელ შედეგზე.