CNN: თეთრ სახლში ტრამპსა და ევროპელ ლიდერებს შორის შეხვედრა დასრულდა
თეთრ სახლში პრეზიდენტ დონალდ ტრამპსა და ევროპელ ლიდერებს შორის შეხვედრა დასრულდა. ამის შესახებ ინფორმაციას CNN-ი ავრცელებს.
პრეზიდენტ ვოლოდიმირ ზელენსკის პრესსპიკერის, სერგეი ნიკიფოროვის განცხადებით ლიდერები თეთრ სახლში რჩებიან მოლაპარაკებების გასაგრძელებლად, შესაძლოა სხვა ფორმატში.
მანამდე გამოცემა bild-მა დაწერა, რომ შეხვედრა დროებით შეჩერდა, რათა ტრამპს პუტინთან ტელეფონით ესაუბრა, თუმცა გამოცემის ცნობით სატელეფონო საუბრის შემდეგ შეხვედრა უნდა გაგრძელებულიყო.
