რუსეთის პრეზიდენტი ვლადიმერ პუტინი აშშ-ის პრეზიდენტ დონალდ ტრამპთან სატელეფონო საუბრის დროს დათანხმდა, რომ მომდევნო ორი კვირის განმავლობაში შეხვდება უკრაინის პრეზიდენტ ვოლოდიმირ ზელენსკის.

ამის შესახებ გერმანიის კანცლერმა ფრიდრიხ მერცმა ჟურნალისტებს განუცხადა.

მან ასევე განაცხადა, რომ ასეთი სამიტი კარგად უნდა იყოს მომზადებული, მაგრამ არ იცის, ექნება თუ არა პუტინს „გამბედაობა“, რომ ასეთ შეხვედრას დაესწროს.

მერცმა გააკრიტიკა მოსკოვის მოლაპარაკების ტაქტიკა კიევთან მიმართებაში. მისი თქმით, დონბასის დათმობა იგივეა, რაც აშშ-მა დათმოს ფლორიდა.

„რუსეთის მოთხოვნა, რომ კიევმა დათმოს დონბასის თავისუფალი ნაწილები, წარმოდგენაში რომ ვთქვათ, იგივეა, რაც აშშ-მა უნდა დათმოს ფლორიდა“, - განაცხადა მერცმა.

გერმანიის კანცლერმა ასევე ისაუბრა ჟურნალისტებთან უკრაინისთვის უსაფრთხოების გარანტიებზე.

„[რაც შეეხება] კითხვას, თუ ვინ მიიღებს მონაწილეობას უსაფრთხოების გარანტიებში... აბსოლუტურად ნათელია, რომ მთელმა ევროპამ უნდა მიიღოს მონაწილეობა“, - განუცხადა მერცმა მედიას.