რამდენიმედღიანი უჩვეულო პაუზის შემდეგ, აშშ-ის პრეზიდენტი დონალდ ტრამპი საზოგადოებაში გამოჩნდა და პასუხი გასცა ჭორებს, თითქოს ის გაუჩინარებული ან მძიმედ ავადმყოფობდა.

30 აგვისტოს ტრამპი ვირჯინიაში გოლფის მოედანზე დააფიქსირეს. ფოტოები და ვიდეომასალა New York Post-მა გაავრცელა, სადაც ის სპორტულ ტანსაცმელშია გამოწყობილი და იღიმის.

მანამდე სოციალურ ქსელებში ვრცელდებოდა სპეკულაციები ტრამპის ჯანმრთელობაზე, რამაც ჰეშთეგები #TrumpIsDead და #WhereIsTrump ტრენდულ თემებად აქცია.

„დარწმუნებით შემიძლია ვთქვა – თავს შესანიშნავად ვგრძნობ,“ – განაცხადა ტრამპმა ჟურნალისტებთან საუბარში (The Daily Beast).