უკრაინის პირველი ლედი ელენა ზელენსკაია აცხადებს, რომ გაეროს გენერალური ასამბლეის ფარგლებში ნიუ-იორკში, თვის ბოლოს, შეხვედრას გამართავს აშშ-ის პრეზიდენტის მეუღლესთან, მელანია ტრამპთან. ამის შესახებ უკრაინული მედია იუწყება.

ზელენსკაიას თქმით, მელანია ტრამპი მიწვეული იყო უკრაინაში გამართულ პირველ ლედისა და ჯენტლმენების სამიტზე, თუმცა ამჯერად ღონისძიებას არ დაესწრება.

„თუმცა, ჩვენ ვგეგმავთ შეხვედრას ნიუ-იორკში, გაეროს გენერალური ასამბლეის ფარგლებში, თვის ბოლოს. ვფიქრობ, ის თემები, რომლებიც დღეს კიევში განიხილება, ნიუ-იორკშიც გახდება განხილვის საგანი,“ – აღნიშნა პირველმა ლედიმ.

შეგახსენებთ, რომ ცოტა ხნის წინ აშშ-ის პირველმა ლედიმ, მელანია ტრამპმა წერილი მისწერა რუსეთის დიქტატორ პუტინს. რუსეთის მმართველმა ეს წერილი მიიღო ალასკაში ვიზიტისას, სადაც იგი დონალდ ტრამპს შეხვდა.