აშშ-ის პრეზიდენტმა დონალდ ტრამპმა ევროპას მოუწოდა, რუსეთის სავაჭრო პარტნიორების წინააღმდეგ მასშტაბური ტარიფები დააწესოს და დაჰპირდა, რომ აშშ მისი მაგალითით იხელმძღვანელებს.

როგორც The Telegraph წერს, ტრამპმა ევროკავშირეებსს მოუწოდა, კრემლზე ზეწოლის გასაძლიერებლად ინდოეთსა და ჩინეთზე 100-პროცენტიანი მეორეული სანქციები დააწესოს. ცნობილია, რომ ამ თხოვნით მან ევროპელ ლიდერებს მიმართა იმ განხილვების დროს, სადაც საუბარი იყო რუსეთის დიქტატორ ვლადიმერ პუტინის უკრაინასთან სამშვიდობო შეთანხმებისკენ იძულების გზებზე.

გამოცემის შეფასებით, ეს წინადადებამ შესაძლოა დაძაბულობა კიდევ უფრო გაამწვავოს აშშ-სა და ინდოეთს შორის მას შემდეგ, რაც ტრამპმა რუსეთის ნავთობის შესყიდვაზე 25-პროცენტიანი ტარიფი დააწესა, რის შედეგადაც ინდური საქონლის საბაჟო ტარიფების საერთო ოდენობამ 50%-ს მიაღწია.

„ბოლო კვირების განმავლობაში ტრამპი სულ უფრო მეტად იმედგაცრუებულია მოსკოვით, რადგან პუტინი განაგრძობს უკრაინის ქალაქების დაბომბვას, აშშ-ის მხრიდან სამშვიდობო შეთანხმების მიღწევის მცდელობების მიუხედავად,“ – აღნიშნავს გამოცემა.

ჟურნალისტები ასევე აღნიშნავენ, რომ თეთრი სახლი კიდევ უფრო ამკაცრებს თავის რიტორიკას პუტინის მიმართ. კერძოდ, აშშ-ის ფინანსთა მინისტრმა სკოტ ბესენტმა აღნიშნა, რომ ევროკავშირის მიერ იმ ქვეყნების წინააღმდეგ სანქციების დაწესებამ, რომლებიც რუსულ ნავთობს ყიდულობენ, შეიძლება რუსეთის ეკონომიკა სრულად ჩამოშალოს.

„ამჟამად ჩვენ ვიმყოფებით შეჯიბრში იმასთან, რამდენ ხანს შეძლებს უკრაინის არმია გაძლებას და რამდენ ხანს გაძლებს რუსეთის ეკონომიკა,“ – განაცხადა მან.