რუსმა ოკუპანტებმა 5 ოქტომბრის ღამეს ლვოვზე მასირებული იერიში მიიტანეს. ქალაქის მერი ანდრეი სადოვი მოქალაქეებს მოუწოდებს შეინარჩუნონ სიმშვიდე და დარჩნენ უსაფრთხო ადგილას, რადგან საჰაერო განგაში ჯერ კიდევ გრძელდება.

დარტყმის შედეგად რაისნესა და ლევანდოვკის უბნები ელექტროენერგიის გარეშე დარჩა, ხოლო საზოგადოებრივი ტრანსპორტი დროებით არ მუშაობს.
„გთხოვთ, დარჩით სახლში, ახლა ქუჩაში გასვლა საშიშია!“ - აღნიშნა მერმა.

სადოვის თქმით, ქალაქში რამდენიმე ხანძარია, ამიტომ ხალხს ურჩევს ფანჯრები დაკეტოს და თავი დაიცვან კვამლისგან.
მერის განცხადებით, ლვოვში იწვის ინდუსტრიული პარკი Sparrow, თუმცა დაშავებულები არ არიან.