რუსეთმა უკრაინის მიმართულებით დღეს 450-ზე მეტი დრონი და 30-ზე მეტი რაკეტა გაუშვა - ზელენსკი
რუსეთმა უკრაინის მიმართულებით დღეს 450-ზე მეტი დრონი და 30-ზე მეტი რაკეტა გაუშვა, - ინფორმაციას ამის შესახებ ვოლოდიმირ ზელენსკი ავრცელებს.
ზელენსკის თქმით, დაზიანებების შედეგად ქვეყნის რამდენიმე რეგიონში - კიევის, დონეცკის, ჩერნიგოვის, ჩერკასის, ხარკოვის, სუმის, პოლტავას, ოდესისა და დნეპროს ოლქებში ელექტროენერგიის მიწოდება შეწყვეტილია.
მისივე განცხადებით, ზაპოროჟიეს, კიროვოგრადისა და ხერსონის რეგიონებში მიმდინარეობს გადაუდებელი სამუშაოები ენერგომომარაგების აღსადგენად და ინფრასტრუქტურის მოსაწესრიგებლად.
