აშშ-ის პრეზიდენტი, დონალდ ტრამპი ისრაელში ჩავიდა - The Times of Israel-ის ინფორმაციით, ბენ-გურიონის საერთაშორისო აეროპორტში მას პრემიერ-მინისტრი ბენიამინ ნეთანიაჰუ და პრეზიდენტი ისააკ ჰერცოგი დახვდნენ.

ეს შესანიშნავი დღეა. შესაძლოა, თქვენი საუკეთესო დღე იყოს, – ასე მიმართა  ტრამპმა ნეთანიაჰუს და  ჰერცოგს.

„ეს ისტორიაა“, – უპასუხა ნეთანიაჰუმ.

ტრამპი ისრაელის საკანონმდებლო ორგანოში სიტყვით გამოვა.

• ამერიკის პრეზიდენტი შუადღისას ეგვიპტეში, შარმ ელ-შეიხში გაემგზავრება, სადაც, მისი ხელმძღვანელობით, 20-ზე მეტი მსოფლიო ლიდერის სამიტი გაიმართება.