ზელენსკიმ ტრამპს Tomahawk-ის რაკეტების სანაცვლოდ უკრაინული დრონები შესთავაზა
თეთრ სახლში, შეხვედრის დროს დონალდ ტრამპმა განაცხადა, რომ მას ურჩევნია უკრაინას Tomahawk-ის რაკეტები არ დასჭირდეს.
მისი თქმით, Tomahawk-ის რაკეტები არის ერთ-ერთი მიზეზი, რის გამოც მას სურს ომის დასრულება.
შეხვედრაზე უკრაინის პრეზიდენტმა აღნიშნა, რომ "ეს არის ტექნოლოგიური ომი" და მას Tomahawk-ების გარდა სხვა დრონები და რაკეტებიც სჭირდება.
ზელენსკიმ განაცხადა, რომ კიევი მზადაა აშშ-ს რაკეტების მიწოდების სანაცვლოდ, უკრაინული წარმოების დრონები შესთავაზოს. რაზეც ტრამპმა თქვა, რომ ის ამით დაინტერესებულია.
ისინი ძალიან კარგ დრონს ქმნიან... ასე რომ, ჩვენ ვისაუბრებთ Tomahawk-ებზე... ბევრად უფრო სასურველია, რომ მათ Tomahawk-ები არ დასჭირდეთ, ბევრად უფრო სასურველია, რომ ომი დასრულდეს," - განაცხადა ტრამპმა.
