აშშ-ს ყოფილმა პრეზიდენტმა დონალდ ტრამპმა განაცხადა, რომ ამერიკის შეერთებულ შტატებს გააჩნია იმდენი ბირთვული იარაღი, რომ „მსოფლიო 150-ჯერ ააფეთქოს“, და აღნიშნა, რომ ქვეყანა აღარ იქნება „ერთადერთი, ვინც არ ატარებს ბირთვულ გამოცდებს“.

ტრამპმა ეს განცხადება CBS News-ის ინტერვიუში გააკეთა:

„ჩვენ უფრო მეტი ბირთვული იარაღი გვაქვს, ვიდრე სხვა ქვეყნებს. დროა რაღაც ვიღონოთ დენუკლეარიზაციასთან დაკავშირებით,“ - თქვა მან.

მისი თქმით, ამ საკითხზე ის ესაუბრა ჩინეთის ლიდერ სი ძინპინს და რუსეთის პრეზიდენტ ვლადიმერ პუტინს.

„ჩვენ გვაქვს საკმარისი ბირთვული იარაღი, რომ მსოფლიო 150-ჯერ ავაფეთქოთ. რუსეთსაც ბევრი აქვს, და ჩინეთსაც ექნება,“ - აღნიშნა ტრამპმა.

ტრამპის თქმით, აშშ არ უნდა იყოს ერთადერთი სახელმწიფო, რომელიც არ ატარებს ბირთვულ ტესტირებებს:

„ჩვენაც ჩავატარებთ გამოცდებს, როგორც ამას სხვა ქვეყნებიც აკეთებენ. რუსეთი ატარებს, ჩინეთიც ატარებს, უბრალოდ ისინი ამას მალავენ. ჩვენ კი ღია საზოგადოება ვართ - ვლაპარაკობთ იმაზე, რასაც ვაკეთებთ,“ — განაცხადა მან.