BBC-ის ცნობით, ვლადიმერ პუტინს ომის დასრულება არ სურს და ვერც ნიშანს ხედავენ. რომ შესაძლოა ფრონტზე ცეცხლი მომდევნო ხუთი დღის შემდეგ შეწყდეს. 

როგორც ბრიტანული მედია წერს, რომ პუტინი კმაყოფილია ტრამპის "სამშვიდობო გეგმით", მაგრამ მოსკოვში მაინც ამბობენ, რომ გეგმა განსახილველია.   

გუშინ პუტინმააა უშიშროების საბჭოს სხდომაც გამართა. ომის სამხედრო დამნაშავედ გამოცხადებული პრეზიდენტი კიევს ემუქრება და ამბობს, რომ თუ არ იქნება შეთანხმება, ფრონტის ყველა ხაზზე, იგივე მოხდება რაც კუპიანსკიში მოხდა.

"აშშ-ის ადმინისტრაციას დღემდე არ გამოსდის უკრაინული მხარის დათანხმება, უკრაინა წინააღმდეგია. როგორც ჩანს, უკრაინა და მისი მოკავშირეები ჯერ კიდევ ილუზიებში იმყოფებიან და ოცნებობენ, რომ რუსეთი სტრატეგიულად დაამარცხონ ბრძოლის ველზე. ვფიქრობ, ასეთ პოზიციას საფუძვლად მხოლოდ კომპეტენციის დაბალი დონე არ უდევს - საქმის ამ მხარეს ახლა არ განვიხილავ. მაგრამ, სავარაუდოდ, ეს პოზიცია ბრძოლის ველზე რეალურ სიტუაციაზე ობიექტური ინფორმაციის ნაკლებობასთან არის დაკავშირებული... თუ კიევში პრეზიდენტ ტრამპის წინადადებების განხილვა არ სურთ და ამაზე უარს ამბობენ, მაშინ მათ და ომის ევროპელ წამქეზებლებს უნდა ესმოდეთ, რომ მოვლენები, რომლებიც კუპიანსკში მოხდა, გარდაუვლად მოხდება ფრონტის სხვა საკვანძო მონაკვეთებზეც. შეიძლება ისე სწრაფად არა, როგორც ვისურვებდით, მაგრამ ეს გარდაუვლად გამეორდება... მაგრამ ჩვენ, როგორც აქამდე არაერთხელ მითქვამს, მზად ვართ სამშვიდობო მოლაპარაკებებისთვისაც, პრობლემების მშვიდობიანი გზით მოგვარებისთვის. მაგრამ ეს საჭიროებს, რა თქმა უნდა, შემოთავაზებული გეგმის ყველა დეტალის საგნობრივად განხილვას. მზად ვართ ამისთვის",-განაცხადა პუტინმა.