აშშ-ს პრეზიდენტმა დონალდ ტრამპმა, თეთრ სახლში ჟურნალისტებთან საუბრისას, გააკრიტიკა ფინანსური დახმარების მასშტაბი, რომელიც მისი თქმით, ჯო ბაიდენის ადმინისტრაციამ უკრაინას გამოუყო. როგორც ტრამპმა აღნიშნა, ბაიდენმა უკრაინას 350 მილიარდი დოლარი მისცა, მაშინ როდესაც თავად „არაფერს აძლევს მათ“, გარდა თავდაცვის სფეროში დასაწყისში გადაცემული ჯაველინებისა, რასაც ის ბარაკ ობამას მიერ გაგზავნილ „საბნებს“ ადარებს.

ჯო ბაიდენმა უკრაინელებს 350 მილიარდი დოლარი მისცა და მე არაფერს ვაძლევ მათ. მაგრამ თავიდან მე მათ ჯაველინები მივეცი, ობამამ საბნები მისცა. ბევრი ადამიანი იღუპება და მე მინდა, რომ ეს შეწყდეს. გასულ თვეში უკრაინაში 27 000 ჯარისკაცი დაიღუპა - ძირითადად უკრაინელი და რუსი ჯარისკაცები. ვფიქრობ, მათ შეეძლოთ სხვებისთვის გადაცემა, მაგრამ ისინი ძირითადად უკრაინას გადასცემენ. ისინი უკრაინასთან იარაღის, რაკეტების და ა.შ. გავრცელების პირობებზე მუშაობენ. მაგრამ ჩვენ ფულს არ ვხარჯავთ, ჩვენ ვხარჯავთ დროს ჰუმანიტარული მიზნებისთვის, - თქვა დონალდ ტრამპმა.