აშშ-ის ფინანსთა სამინისტროს ინფორმაციით, პრეზიდენტ დონალდ ტრამპის ადმინისტრაციამ რუსეთის ზოგიერთი ბანკის მიმართ დაწესებული სანქციები დროებით შეაჩერა. 

განცხადებაში აღნიშნულია, რომ სანქციები ნაწილობრივ მოიხსნა სამოქალაქო ბირთვული ენერგიის პროექტებში ჩართული ინსტიტუტებისთვის.

უწყებამ გასცა ზოგადი ლიცენზია, რომელიც გარკვეულ რუსულ ბანკებთან ტრანზაქციების განხორციელების საშუალებას 2026 წლის 18 ივნისამდე იძლევა.

ამ ზოგადი ლიცენზიის (c) პუნქტში გათვალისწინებული შემთხვევების გარდა, აღმასრულებელი ბრძანებით (E.O.) 14024 აკრძალული ყველა ტრანზაქცია, რომელიც მოიცავს სამოქალაქო ბირთვულ ენერგიასთან დაკავშირებულ შემდეგ ერთ ან რამდენიმე სუბიექტს, ავტორიზებულია 2026 წლის 18 ივნისის, აღმოსავლეთის დროით, დილის 12:01 საათამდე," - ნათქვამია დოკუმენტში.

დოკუმენტის თანახმად, იმ ბანკებს შორის, რომლებთანაც ოპერაციები ნებადართულია, არიან:

• სააქციო საზოგადოება „გაზპრომბანკი“;
• სახელმწიფო კორპორაცია განვითარებისა და საგარეო ეკონომიკური ურთიერთობების ბანკი „ვნეშეკონომბანკი“;
• საჯარო სააქციო საზოგადოება ბანკი ფინანსური კორპორაცია "ოტკრიტიე";
• ღია სააქციო საზოგადოება „სოვკომბანკი“;
• საჯარო სააქციო საზოგადოება „სბერბანკი რუსეთი“;
• საჯარო სააქციო საზოგადოება „ვიტბი ბანკი“;
• სააქციო საზოგადოება ალფა-ბანკი;
• საჯარო სააქციო საზოგადოება როსბანკი;
• საჯარო სააქციო საზოგადოება ბანკი ზენიტი;
• საჯარო სააქციო საზოგადოება ბანკი სანქტ-პეტერბურგი;
• ეროვნული კლირინგის ცენტრი (NCC);
• ნებისმიერი სუბიექტი, რომელშიც ზემოთ ჩამოთვლილი პირებიდან ერთი ან მეტი პირდაპირ ან ირიბად, ინდივიდუალურად ან ერთობლივად, ფლობს 50 პროცენტს ან მეტს;
• რუსეთის ფედერაციის ცენტრალური ბანკი.