დელსი როდრიგესმა ვენესუელის ახალი პრეზიდენტის ფიცი დადო. თუმცა, როგორც The New York Times აღნიშნავს, ნიკოლას მადუროს მხარდამჭერები, მათ შორის თავად როდრიგესიც, კვლავაც მას მიიჩნევენ ქვეყნის კანონიერ ლიდერად.

გამოცემის ცნობით, როდრიგესი არაერთხელ აცხადებდა, რომ მადურო არის „ვენესუელის ერთადერთი პრეზიდენტი“. გარდა ამისა, ვენესუელის სახელმწიფო ტელევიზიის ეთერში მას ტექსტში კვლავ ვიცე-პრეზიდენტად მოიხსენიებდნენ.

„ამ ქვეყანაში მხოლოდ ერთი პრეზიდენტია და მისი სახელია ნიკოლას მადურო მოროსი,“ - განაცხადა როდრიგესმა აპლოდისმენტების ფონზე. მისივე თქმით, ვენესუელა მზად არის პატივზე დაფუძნებული ურთიერთობებისთვის ტრამპის ადმინისტრაციასთან, თუმცა მხოლოდ საერთაშორისო და ვენესუელის კანონმდებლობის ფარგლებში.

„ეს არის ერთადერთი ტიპის ურთიერთობა, რომელსაც მივიღებ, იმის შემდეგ, რაც მათ ჩვენი საყვარელი ქვეყანა სამხედრო გზით დაგვიპირისპირეს და დაგვარტყეს,“ - განაცხადა როდრიგესმა.

სტატიაში აღნიშნულია, რომ ვენესუელის დროებითმა პრეზიდენტმა დელსი როდრიგესმა პირდაპირ ეთერში ძალა და ერთობა აჩვენა. ის მოითხოვდა, მადურო აღიარებულიყო ვენესუელის კანონიერ პრეზიდენტად.

თუ არის რამე, რაშიც ვენესუელის ხალხი და ეს ქვეყანა დარწმუნებულია, ეს არის ის, რომ ჩვენ აღარასდროს ვიქნებით მონები, აღარასდროს ვიქნებით არცერთი იმპერიის კოლონია, - განაცხადა როდრიგესმა.