"ყოველთვის NATO-ს გვერდით ვიქნებით, მაშინაც კი, თუ ისინი ჩვენს გვერდით არ იქნებიან" - ამის შესახებ აშშ-ის პრეზიდენტი დონალდ ტრამპი სოციალურ ქსელში წერს. 

მისი თქმით, რუსეთსა და ჩინეთს NATO-ს- არ ეშინიათ შეერთებული შტატების გარეშე. დონალდ ტრამპი აღნიშნავს, რომ "ერთადერთი ერი, რომლისაც ჩინეთს და რუსეთს ეშინიათ და პატივს სცემენ, არის დონალდ ჯეი ტრამპის მიერ აღდგენილი შეერთებული შტატები". 

გახსოვდეთ, ყველა იმ დიდი NATO-ს გულშემატკივრისთვის - ისინი მშპ-ის 2%-საც კი არ იხდიდნენ და უმეტესობა საკუთარ ვალდებულებებს არ ასრულებდა, სანამ მე არ მოვედი. სულელურად, აშშ იხდიდა მათ ხარჯებს! მე, პატივისცემით, მივიყვანე ისინი მშპ-ს 5%-მდე და ისინი იხდიან - დაუყოვნებლივ. ყველა ამბობდა, რომ ამის გაკეთება შეუძლებელი იყო, მაგრამ ეს შესაძლებელი იყო, რადგან, ყველაფერთან ერთად, ისინი ყველა ჩემი მეგობრები არიან. 

ჩემი ჩარევის გარეშე, რუსეთს ახლა მთელი უკრაინა ექნებოდა. ასევე, გახსოვდეთ, რომ მე მარტო დავასრულე 8 ომი და ნორვეგიამ, NATO-ს წევრმა, სულელურად აირჩია ჩემთვის ნობელის მშვიდობის პრემია არ მოეცა. მაგრამ ამას მნიშვნელობა არ აქვს! მნიშვნელოვანია ის, რომ მილიონობით სიცოცხლე გადავარჩინე. 

რუსეთსა და ჩინეთს ნულოვანი შიში აქვთ NATO-სი შეერთებული შტატების გარეშე და მეეჭვება, რომ NATO ჩვენს გვერდით იქნებოდა, თუ ისინი ნამდვილად დაგვჭირდებოდა. ყველას გაუმართლა, რომ ჩემ პირველივე ვადაში აღვადგინე ჩვენი ჯარი და ამას ვაგრძელებ. ჩვენ ყოველთვის NATO-ს გვერდით ვიქნებით, მაშინაც კი, თუ ისინი ჩვენს გვერდით არ იქნებიან. ერთადერთი ერი, რომლისაც ჩინეთს და რუსეთს ეშინიათ და პატივს სცემენ, არის დონალდ ჯეი ტრამპის მიერ აღდგენილი შეერთებული შტატები. კვლავ გავხადოთ ამერიკა დიდებული," - წერს ტრამპი.