აშშ-ის პრეზიდენტმა დონალდ ტრამპმა განაცხადა, რომ მზად არის, აიღოს ვალდებულება შეერთებული შტატების მონაწილეობაზე უკრაინის მომავალი თავდაცვის უზრუნველყოფაში, რადგან დარწმუნებულია, რომ რუსეთი უკრაინაში აღარ შეიჭრება. ამის შესახებ მან The New York Times-თან ინტერვიუში თქვა.

„მტკიცედ ვარ დარწმუნებული, რომ ისინი ხელახლა არ შეიჭრებიან, წინააღმდეგ შემთხვევაში, ამას არ დავთანხმდებოდი“, - აღნიშნა ტრამპმა.

როგორც The New York Times წერს, აშშ-ის პრეზიდენტი პასუხობდა შეკითხვას, მზად იქნებოდა თუ არა ომში ჩართვისთვის უკრაინის დასაცავად იმ შემთხვევაში, თუ რუსეთი შესაძლო ზავს დაარღვევდა და აგრესიას განაახლებდა.