აშშ-ის პრეზიდენტმა დონალდ ტრამპმა განაცხადა, რომ ყველა ქვეყანას, რომელიც ირანთან ბიზნესს აწარმოებს, ამერიკასთან ვაჭრობაზე 25%-იანი ტარიფი დაუწესდება. ტრამპის თქმით, გადაწყვეტილება უკვე ამოქმედებულია და „საბოლოოა“, თუმცა თეთრი სახლის ვებსაიტზე შესაბამისი ბრძანება ჯერ არ გამოქვეყნებულა.

ირანში უკვე მე-17 დღეა მასშტაბური საპროტესტო აქციები მიმდინარეობს, რასაც, უფლებადამცველების ცნობით, 500-ზე მეტი ადამიანის სიცოცხლე შეეწირა. ხელისუფლებამ ინტერნეტი და სატელეფონო კავშირი თითქმის სრულად შეზღუდა, რაც დამოუკიდებელ გადამოწმებას ართულებს.

ირანის საგარეო საქმეთა მინისტრმა აბას არაღჩიმ განაცხადა, რომ პროტესტები მიზანმიმართულად ძალადობრივად იქცა, რათა აშშ-ს სამხედრო ჩარევის საბაბი მისცემოდა, თუმცა ირანი მზად არის როგორც ომისთვის, ისე მოლაპარაკებისთვის.

ამ ფონზე ტრამპმა თქვა, რომ აშშ სწავლობს ირანში მომიტინგეების მხარდაჭერის შესაძლო ვარიანტებს, ხოლო ირანის სავაჭრო პარტნიორ ქვეყნებზე სანქციების ზეწოლა კიდევ უფრო გამკაცრდა.