რუსული დრონების მორიგი იერიშის შედეგად უკრაინის ქალაქ კრივი-რიჰში ენერგოინფრასტრუქტურა დაზიანდა - ქალაქის დიდ ნაწილს ელექტროენერგია და გათბობა შეუწყდა.

უკრაინული მედიის ცნობით, რომელიც კრივი-რიჰის თავდაცვის საბჭოს ხელმძღვანელ ოლექსანდრ ვილკულს ეყრდნობა, ელექტროენერგიის გარეშე დარჩა 45 000-ზე მეტი აბონენტი, ხოლო 700-ზე მეტ საცხოვრებელ სახლს გათბობა გაეთიშა.

ადგილობრივი სამსახურები ზარალის აღდგენის სამუშაოებს უკვე აწარმოებენ.