მარი-ა-ლაგოს, დონალდ ტრამპის ფლორიდის რეზიდენციის, დაცულ პერიმეტრზე მამაკაცი შეჭრას შეეცადა, რის შემდეგაც იგი აშშ-ის საიდუმლო სამსახურის აგენტებმა ცეცხლსასროლი იარაღით დაჭრეს. ამის შესახებ უცხოური მედია წერს.
ოფიციალური ინფორმაციით, ეჭვმიტანილი ღამის საათებში ქონების ჩრდილოეთ კარიბჭესთან შენიშნეს - მას თან ჰქონდა საგანი, რომელიც თოფს ჰგავდა, და ასევე საწვავის კანისტრა.
სამართალდამცავების ცნობით, დაპირისპირებისას მამაკაცმა იარაღი ოფიცრებისკენ მიმართა, რის შემდეგაც აგენტებმა ცეცხლი გახსნეს. იგი შემთხვევის ადგილზე გაანეიტრალეს.
ინციდენტის შედეგად უსაფრთხოების სამსახურის თანამშრომლები არ დაშავებულან. შემთხვევის დროს დონალდ ტრამპი რეზიდენციაში არ იმყოფებოდა.
