აშშ ირანთან დაპირისპირებაში სამხედრო მოქმედებების გაფართოებას არ გამორიცხავს და აცხადებს, რომ გამარჯვებისთვის საჭირო ყველა ნაბიჯს გადადგამს. ამის შესახებ აშშ-ის თავდაცვის მინისტრმა პიტ ჰეგსეთმა განაცხადა.

„არც მტერს ეუბნები, არც პრესას, არც არავის ეუბნები, რა შეზღუდვები გვექნება ოპერაციაზე“, - აღნიშნა ჰეგსეთმა CBS-თან ინტერვიუში.

მისი თქმით, აშშ გამარჯვებისთვის იბრძვის და ირანის კაპიტულაციის პირობებს დონალდ ტრამპი დაადგენს.

„გვეცოდინება, რომ ისინი ბრძოლის უნარიანები არ არიან. იციან თუ არა, ისინი ბრძოლაში არაეფექტურები იქნებიან, ისინი დანებდებიან“, - აღნიშნა მინისტრმა.

მისი თქმით, ირანის საზღვაო ფლოტი დიდწილად აღარ არსებობს და შემცირებას გააგრძელებს.

ირანის საზღვაო ფლოტი დიდწილად აღარ არსებობს. რა თქმა უნდა, კიდევ ბევრი ნავი იქნება ჩაძირული. ამიტომ, მათი უნარი, საზღვაო თვალსაზრისით, ამ ტერიტორიაზე რაიმე ძალა გამოავლინონ, მცირდება. მცირდება და სულ უფრო და უფრო შემცირდება. ეს მხოლოდ დასაწყისია,- აღნიშნა ჰეგსეთმა.