ისრაელის ავია იერიშების შედეგად, ირანის დაზვერვის მინისტრი მოკლეს
თეირანში ღამით ისრაელის მიერ განხორციელებული საჰაერო დარტყმის შედეგად ირანის დაზვერვის მინისტრი, ესმაილ ხატიბი დაიღუპა.
ამის შესახებ ინფორმაცია ისრაელის თავდაცვის მინისტრმა დაადასტურა.
„ირანში დარტყმების ინტენსივობა იზრდება. ღამით ირანის დაზვერვის მინისტრის, ხატიბის ლიკვიდაციაც განხორციელდა“, - აღნიშნა თავდაცვის მინისტრმა.
მისივე თქმით, დღეს „მნიშვნელოვანი სიურპრიზებია“ მოსალოდნელი.
„დღეს, ყველა არენაზე მნიშვნელოვანი სიურპრიზებია მოსალოდნელი, რაც ლიბანში ირანისა და „ჰეზბოლას“ წინააღმდეგ ჩვენს მიერ წარმოებული ომის ესკალაციას გამოიწვევს“, - განაცხადა ისრაელ კაცმა.
