ყირიმში რუსული სამხედრო თვითმფრინავი სუ-30 ჩამოვარდა
ოკუპირებულ ყირიმში რუსული „სუ-30“ ტიპის მოიერიშე თვითმფრინავი ჩამოვარდა, - ინფორმაციას უკრაინული მედია ავრცელებს.
რუსეთის თავდაცვის სამინისტროს ცნობით, ინციდენტი დაგეგმილი სასწავლო-საწვრთნელი ფრენის დროს მოხდა.
მათივე ინფორმაციით, თვითმფრინავი საბრძოლო მასალის გარეშე დაფრინავდა. ეკიპაჟმა კატაპულტირება მოახერხა და პილოტებს საფრთხე არ ემუქრებათ.
უკრაინული მედია წერს, რომ რუსული „სუ-30“ ტიპის მრავალფუნქციური მოიერიშე თვითმფრინავის სავარაუდო ღირებულება, დაახლოებით, 50 მილიონი აშშ დოლარია.
