დღეს პაკისტანში აშშ-სა და ირანს შორის მოლაპარაკებები გაიმართება -  Reuters-ი წყაროებზე დაყრდნობით იუწყება, რომ აშშ-ის დელეგაცია უკვე პაკისტანშია. 

გამოცემის წყაროების ცნობით, აშშ-ის სამთავრობო თვითმფრინავი, რომლის ბორტზე ვიცე-პრეზიდენტი ჯეი დი ვენსი და დელეგაციის წევრები იმყოფებიან, ისლამაბადში დღეს დილით დაეშვა.

ირანის დელეგაცია, პარლამენტის თავმჯდომარე მოჰამედ ბაგერ ღალიბაფის ხელმძღვანელობით, პაკისტანის დედაქალაქში გუშინ ჩავიდა.

CNN-ი წყაროზე დაყრდნობით წერს, რომ მხარეები პაკისტანის შუამავლობით მოლაპარაკებების დღის წესრიგზე შეთანხმებიდან, ხოლო შემდეგ შეხვედრას პირისპირ გააგრძელებენ.

• მოლაპარაკებებზე აშშ-ის დელეგაციას ვიცე-პრეზიდენტი ჯეი დი ვენსი უხელმძღვანელებს. ასევე, დელეგაციის შემადგენლობაში აშშ-ის პრეზიდენტის წარმომადგენლები, სტივ უიტკოფი და ჯარედ კუშნერი იქნებიან.
• ირანული მედიის ინფორმაციით, ირანის დელეგაცია 71 ადამიანისგან შედგება.