მადიარი უნგრეთის პრეზიდენტისა და მისი „მარიონეტების“ დაუყოვნებლივ გადადგომას მოითხოვს
საპარლამენტო არჩევნებში გამარჯვებულმა პარტია „ტისას“ ლიდერმა პეტერ მადარმა მოქმედ პრეზიდენტსა და მთელ სახელმწიფო აპარატს დაუყოვნებლივ უფლებამოსილების დატოვებისკენ მოუწოდა. ამის შესახებ მან პირდაპირ ეთერში განაცხადა.
მისი თქმით, უნგრეთი შეწყვეტს „ბალანსირების პოლიტიკას“, რომელსაც წლების განმავლობაში ვიქტორ ორბანი ატარებდა, და ყურადღებას გაამახვილებს თავდაცვითი შესაძლებლობების გაძლიერებაზე ალიანსის ფარგლებში.
„ჩვენ აღვადგენთ იმ ინსტიტუტების ფუნქციონირებას, რომლებიც დემოკრატიასა და მის დამოუკიდებლობას უზრუნველყოფს. უნგრეთი კვლავ გახდება ძლიერი მოკავშირე ევროკავშირსა და ნატოში,“ – აღნიშნა მადარმა.
სამხედრო საკითხების გარდა, პოლიტიკოსი ბელგიაში სასწრაფო ვიზიტსაც გეგმავს. მისი მიზანია გაყინული ევროპული სახსრების განბლოკვა, რაც სახელმწიფო პროგრამების სტაგნაციის თავიდან აცილებისთვის მნიშვნელოვანია. მისი შეფასებით, მოქმედმა ხელისუფლებამ არ უნდა გააჭიანუროს უფლებამოსილების გადაცემის პროცესი.
„მოვუწოდებ რესპუბლიკის პრეზიდენტს, მთხოვოს მთავრობის ფორმირება და შემდეგ დატოვოს თანამდებობა. ასევე მოვუწოდებ ყველა მარიონეტს, იგივე გააკეთონ,“ – განაცხადა პოლიტიკოსმა.
