"რუსეთს ჩვენი ტერიტორია სურს, რათა სხვისი ტერიტორიებიც დაიპყროს" - ამის შესახებ უკრაინის პრეზიდენტმა, ვოლოდიმირ ზელენსკიმ სოციალურ ქსელში გავრცელებულ მიმართვაში ისაუბრა. 

მისი თქმით, თუ რუსეთი ერთ ქვეყანასთან წარმატებას მიაღწევს, იგივეს გააკეთებს სხვებთანაც - "სწორედ ასე იქცეოდა რუსეთი: მოლდოვის ნაწილი, საქართველოს ნაწილები, ყირიმის ანექსია და დონეცკის ოკუპაცია, ბელარუსის დამორჩილება, სრულმასშტაბიანი ომი უკრაინის წინააღმდეგ". 

უკრაინა ყოველთვის გამოხატავს მადლიერებას და ყოველთვის ნათლად ახსოვს, ვინ და როგორ გვიჭერდა მხარს ამ ომის დაწყების შემდეგ. თუმცა, არანაკლებ მნიშვნელოვანია, განსაკუთრებით ევროპისთვის, რომ ყველა პარტნიორმა გაიხსენოს, რომ უკრაინა ამ ომში არა მხოლოდ საკუთარ თავს იცავს. რუსეთს ჩვენი ტერიტორია სურს, რათა სხვისი ტერიტორიებიც დაიპყროს. თუ ის წარმატებას მიაღწევს ერთ ქვეყანასთან - ერთ მეზობელთან - იგივეს გააკეთებს სხვებთანაც.

სწორედ ასე იქცეოდა რუსეთი: მოლდოვის ნაწილი, საქართველოს ნაწილები, ყირიმის ანექსია და დონეცკის ოკუპაცია, ბელარუსის დამორჩილება, სრულმასშტაბიანი ომი უკრაინის წინააღმდეგ. ამის შეჩერება მხოლოდ რეალური ძალითა და ყველა პარტნიორის რეალური პრინციპული მტკიცე გადაწყვეტილებით შეიძლება. სწორედ ეს არის მნიშვნელოვანი - პრინციპული მტკიცე გადაწყვეტილება.

ეს ეხება შეერთებულ შტატებს, დიდი შვიდეულის ქვეყნებს და ევროპულ სახელმწიფოებს. იმისათვის, რომ ევროპაში ნამდვილი მშვიდობა იყოს და რუსეთი შეჩერდეს, უკრაინის მიმართ ღირსეული პირობები და პატივისცემა უნდა არსებობდეს. უსაფრთხოების ყველა ძირითად განზომილებაში - სუვერენიტეტში, ტერიტორიულ მთლიანობაში, უსაფრთხოების გარანტიებში, ევროკავშირში გაწევრიანებაში და ჩვენი ქვეყნის რეალურ რეკონსტრუქციაში ომის შემდეგ. ჩვენ ღირსეული მშვიდობისთვის ვმუშაობთ. მადლობა ყველას, ვინც ჩვენს გვერდით დგას, ვინც უკრაინის გვერდით დგას! დიდება უკრაინას!" - განაცხადა ზელენსკიმ.