რუსეთში, სამარის ოლქსა და ჩუვაშეთის რესპუბლიკაში, ღამით და დილითაც დრონებისა და რაკეტების თავდასხმები განხორციელდა. გავრცელებული ინფორმაციით, სამარაში ცეცხლი გაუჩნდა კუიბიშევის ნავთობგადამამუშავებელ ქარხანას, რომელიც რეგიონში ერთ-ერთი უმსხვილესი საწარმოა.

ამასთან, ჩებოქსარებში თავდასხმის სამიზნე სამხედრო დანიშნულების საწარმო „ვნიირ-პროგრესი“ გახდა, სადაც ხანძარი გაჩნდა. ჩუვაშეთის ხელმძღვანელმა სარაკეტო შეტევა დაადასტურა და განაცხადა, რომ დაზიანებულია ინფრასტრუქტურული ობიექტები.

„ვნიირ-პროგრესი“ აწარმოებს კომპონენტებს მძიმე საბრძოლო ტექნიკისა და რაკეტებისთვის, მათ შორის სისტემებს, რომლებიც გამოიყენება „ისკანდერის“, „კალიბრისა“ და სხვა რუსულ შეიარაღებაში. დაშავებულთა და ზარალის ზუსტი მასშტაბი ამ დრომდე ზუსტდება.