უკრაინამ რუსეთის ქალაქებში, კრასნოდარსა და ნევინომისკში Wildberries-ის საწყობები დაბომბა
უკრაინამ რუსეთის ქალაქებში, კრასნოდარსა და ნევინომისკში Wildberries-ის საწყობები დაბომბა.
ადგილობრივი გვერდების ცნობით, დარტყმების შედეგად კრასნოდარის გარეუბანში მასშტაბური ხანძარი გაჩნდა. მცხოვრებლები ქალაქიდან ავრცელებენ კადრებს, სადაც ხანძრის რამდენიმე კერა ჩანს.
Wildberries-ის ლოგისტიკურ ცენტრებზე თავდასხმა დაადასტურა კომპანიის დამფუძნებელმა ტატიანა კიმმააც.
„კრასნოდარსა და ნევინომისკში მდებარე ჩვენს ლოგისტიკურ ცენტრებზე წუხელ თავდასხმა განხორციელდა. ვთანამშრომლობთ შესაბამის სამსახურებთან შედეგების აღმოსაფხვრელად“, - აღნიშნა ტატიანა კიმმა.
მისი თქმით, წინასწარი ინფორმაციით, თავდასხმის შედეგად არიან დაშავებულები.
