საბერძნეთმა მის საჰაერო სივრცეში შეჭრილ თურქულ დრონს საბრძოლო თვითმფრინავებით გზა გადაუჭრა. ამის შესახებ ინფორმაციას ბერძნული მედია ავრცელებს.

მედიის ცნობით, დღეს დილით ეგეოსის ზღვის ჩრდილო-აღმოსავლეთ ნაწილში, თურქული უპილოტო საფრენი აპარატი საბერძნეთის ეროვნულ საჰაერო სივრცეში შეიჭრა, სამოთრაკესა და ლემნოსს შორის საზღვაო არეალში მოძრაობით.

თურქულმა დრონმა ალექსანდროპოლისის აეროპორტის ტერმინალის ასაფრენ ბილიკთან ახლოს გადაიფრინა​, როდესაც სამგზავრო თვითმფრინავი აფრენას ცდილობდა.

საპასუხოდ, თურქული დრონის ადგილმდებარეობის დასადგენად, იდენტიფიცირებისა და ჩაჭრის მიზნით, საბერძნეთის საჰაერო ძალების ორი F-16 გამანადგურებელი აფრინდა.

სამოქალაქო ავიაციის სამსახურისა და ბერძნული ავიაგამანადგურებლების თანამშრომლობის წყალობით, მათ შეძლეს დრონის მოშორება სამგზავრო ფრენის უსაფრთხოებისთვის ზიანის მიყენების გარეშე," - წერს ბერძნული მედია.