რუსეთისა და ირანის სანქცირებაზე „ლინდსი გრემის აქტს“ აშშ-ის პრეზიდენტმა დონალდ ტრამპმა ხელი მოაწერა.

კანონის მიზანია რუსეთისთვის შემოსავლების მკვეთრად შეზღუდვა, რომ მან ვეღარ მოახერხოს უკრაინის წინააღმდეგ ომის დაფინანსება.

კანონპროექტი ითვალისწინებს სხვადასხვა სახის სანქციების, ტარიფების ან აკრძალვების დაწესებას რუსეთისთვის და ის აფართოებს ირანთან დაკავშირებულ სასანქციო კანონსაც.

• აშშ-ის წარმომადგენელთა პალატამ რუსეთის წინააღმდეგ სანქციების „ლინდსი გრემის კანონპროექტი“ 17 სექტემბერს მიიღო. კანონპროექტი, რომლის ავტორები გარდაცვლილი  სენატორი ლინდსი გრემი („რესპუბლიკური პარტია“) და სენატორი რიჩარდ ბლუმენტალი („დემოკრატიული პარტია“) არიან, აშშ-ის პრეზიდენტ დონალდ ტრამპს საშუალებას მისცემს 100%-იანი ტარიფები დაუწესოს რუსული ნავთობისა და ბუნებრივი აირის ხუთ ყველაზე დიდ იმპორტიორს და ასევე ხუთ ქვეყანას, რომლებიც რუსეთს ენერგეტიკული სანქციებისთვის გვერდის ავლაში ეხმარებიან. ასევე, კანონპროექტი ირანის წინააღმდეგ მოქმედი სანქციების ვადის გახანგრძლივებას და რუსი მაღალჩინოსნების, ბანკებისა და „ჩრდილოვანი ფლოტის“ წინააღმდეგ სანქციების დაწესებას ითვალისწინებს

სენატორ ჯინ შაჰინის თქმით, „ლინდსი გრემის აქტი" ვლადიმირ პუტინისა და ამერიკის ყველა მოწინააღმდეგისთვის, რომ საერთაშორისო სამართლის დარღვევას შედეგები მოჰყვება.

დღეს დემოკრატიამ გაიმარჯვა. ჯერ კიდევ აგვისტოში სენატმა ეს კანონპროექტი 86 ხმით 11-ის წინააღმდეგ მიიღო. დღეს კი წარმომადგენელთა პალატაში მოსმენილი ძლიერი, ორპარტიული მხარდაჭერა ვიხილეთ.

ეს გზავნილია ვლადიმირ პუტინისა და ყველა ჩვენი მოწინააღმდეგისთვის, რომ საერთაშორისო სამართლის დარღვევას შედეგები მოჰყვება და კონგრესი მათ წინააღმდეგ ზომებს მიიღებს.

ეს ასევე გზავნილია იმ ხელშემწყობი ქვეყნების მიმართ, რომლებიც ჩინეთსა და რუსეთს ჩვენი სანქციებისთვის თავის არიდებაში ეხმარებიან — მათ წინააღმდეგაც მივიღებთ ზომებს.

და ეს არის გზავნილი უკრაინელებისთვისაც, როგორც ჩემმა კოლეგებმა ასე შესანიშნავად აღნიშნეს: ჩვენ ვაფასებთ თქვენს ბრძოლას და იმ სიმამაცეს, რომელიც გამოიჩინეთ. გვესმის, რამდენ მსხვერპლსა და სირთულესთან გაქვთ საქმე და ყველაფერს გავაკეთებთ, რაც შეგვიძლია, რათა მხარი დაგიჭიროთ.

ეს მხოლოდ დასაწყისია. ჯერ კიდევ ბევრი სამუშაო გვაქვს", - განაცხადა ჯინ შაჰინმა.